EVERYBODY'S SPECTACULAR

15. - 19. NÓVEMBER 2017

TRIGGER WARNING - HÚN PABBI

,Einlægur einleikur um óvanalegt samband föðurs og sonar.

Tix-800x600.png

HVENÆR // HVAR // TUNGUMÁL // LENGD

Sunnudagur 19. nóvember kl 19:30 // Borgarleikhúsinu, Listabraut 3, 103 Reykjavík // enska // 60 mínútur

Hægt er að kaupa miða hér

Innst inni vissi Hannes að eitthvað var ekki eins og það átti að vera. Dag einn breyttist allt. Pabbi hans lét sig einfaldlega hverfa og varð Anna Margrét Grétarsdóttir, þá 57 ára gömul.

Í nútímasamfélagi eru fjölmörg tækifæri til þess að framleiða „hina fullkomnu“ útgáfu af sjálfum þér. Í veröld internets og samfélagsmiðla er auðvelt að stilla upp glansmynd af eigin sjálfi, laust við erfiðleika, skömm og – kannski sannleika. Enþað er líka til fólk sem þorir ekki að lifa eftir sannfæringu sinni og framleiðir ímynd sína alla ævi. Ástæður geta verið margar; skömm, ótti eða jafnvel einhvers konar „tillitssemi“ í garð sinna nánustu. Óttinn við að særa og verða öðrum til skammar. Hannes Óli Ágústsson, leikari, upplifði aldrei nánd við föður sinn. Í æsku hélt Hannes að hann ætti bara„venjulegan pabba“ en faðir hans var fjarlægur þrátt fyrir að vera til staðar. Innst inni vissi Hannes samt að eitthvað var ekki eins og það átti að vera.

Dag einn breyttist allt. Pabbi hans lét sig einfaldlega hverfa og varð Anna Margrét Grétarsdóttir, þá 57 ára gömul. Hún tilkynnti eiginkonu sinni til 30 ára og börnum sínum tveimur að hún væri í raun ekki sá sem þau héldu öll þessi ár. Hún var ekki Ágúst Már, heldur Anna Margrét.

Missir, sorg og söknuður blöstu við. Líf þeirra var lygi. Á sama tíma krefst samfélagið þess að aðstandendur styðji ástvini sína, styðji hann – styðji hana – og hjálpi henni að takast á við lífið á nýjan leik. 

Athugið að sýningin er sýnd á ensku

 

Leikhópur : Tirgger Warning

Listrænn stjórnandi : Kara Hergils

Höfundar : Kara Hergils og Halla Þórlaug Óskarsdóttir í samstarfi við leikhópinn

Leikstjóri : Pétur Ármannsson

Leikari : Hannes Óli Ágústsson

Dramatúrg : Andrea Vilhjálmsdóttir

Lýsing : Kjartan Darri Kristjánsson