SPECTACULAR

14. - 18. NOVEMBER 2018

PME ART / JACOB WRÉN (CA)

A USER´S GUIDE TO AUTHENTICITY IS A FEELING

HVENÆR // HVAR// TUNGUMÁL // LENGD

Fimmtudagur 15. nóvember @ 21:00 og föstudagur 16. nóvember @ 18:00 // Mengi, Óðinsgata 2, 101 Reykjavík // Enska // 110 mínútur

Nælið ykkur í miða hér 

AUGT+Photo+4.jpg

Í tilefni af tuttugu ára starfsafmæli listhópsins PME-ART, samdi Jacob Wrén,annar stjórnenda hans, bókina „Authenticity is a Feeling: My Life in PME-ART“, en í henni er blandað saman sagnaritun, endurminningum og sviðslistakenningum með áhrifamiklum hætti. En bækur um sviðslistir geta sjaldan staðið einar og sér. Þegar fjallað er um sviðslistir verður auðvitað að setja eitthvað á svið. Þess vegna var tekin ákvörðun um að gera A User’s Guide toAuthenticity is a Feeling. Listamannaspjall sem snúið er á rönguna, gjörningur þar sem spurt er spurningarinnar: af hverju erum við að þessu, af hverju trúum við svona staðfastlega á hið viðkvæma en nauðsynlega ástand sem heitir „að vera maður sjálfur á leiksviðinu“ og hvernig höldum við áfram að halda í þá veiku vonað þetta veikburða samkrull listar og stjórnmála geti með einhverjum hættibreytt heiminum?

Sýningin fjallar einnig um viðbrögð samverkafólks PME-ART, í fortíð og nútíð; hverju fólk var sammála og hvað því fannst vera ósanngjarnt, en útkoman sýnir svo ekki verður um villst að samstarf verður aldrei annað en flókið fyrirbæri.

—————————

Fyrirlestrargjörningur eftir Jacob Wrén, með sýnilegri og ósýnilegri aðstoð samverkafólks listhópsins PME-ART

Búningar: Claudia Fancello

Ljósahönnun: Paul Chambers

Verkefnis- og tæknistjóri: Nikita Bala

Framleiðandi: PME-ART (Montréal) Meðframleiðendur: FTT (Düsseldorf) og Inkonst (Malmö). Veittur stuðningur: La Chapelle Scènes Contemporaines (Montréal), Conseil des arts et des lettres du Québec, Conseil des arts de Montréal, og Canada Council for the Arts.

———————————

PME-ART rannsakar sviðslistirnar frá öllum hliðum og undanskilur hvorki listamennina sjálfa né áhorfendur í þeim efnum. Hópurinn hefur sýnt verk sín í á sjötta tug borga í Quebec-fylki, í Kanada, Evrópu, Japan og í Bandaríkjunum. PME-ART hefur til að mynda sýnt í ICA (London, 2000), Kaaitheater (Brüssel, 2006), Festival Spielart (München, 2015), og í Kiasma safninu í Helsinki (2016). PME-ART hefur einnig tekið þátt í Musée d’art contemporain de Montréal’s Triennale Québécoise (2011) og La Biennale de Montréal (2016). Á meðal verka PME-ART má nefna Every Song I’ve Ever Written, The DJ Who Gave Too Much Information og HOSPITALITY 3: Individualism Was A Mistake.

Hópurinn var tilnefndur til Conseil des arts de Montréal’s verðlaunanna árið 2012 í flokknum New Artistic Practices.